Bagan-in Hyderabad an ngam

Indian Super League-ah Nilaini zan khan Hyderabad chuan Mohun Bagan an mikhual a, 2-0 in an tlawm - Kolkata club tan hian Manvir Singh chuan first half-ah goal khungin, second half-ah Subhasish Bose chuan goal khat a thawh ve leh bawk.

Hyderabad tan hian Lalbiakhlua Jongte chuan si ban nghakin inkhel bul a ṭan a, Isaac Vanmalsawma leh Ramhlunchhunga ten inkhel bul an ṭan bawk - Bagan lamah rin loh takin Lalengmawia Ralte (Apuia) chu bench lamah a awm tluan.

Bagan-in hnehna an chan avangin table-ah pahnihnaah an invawrh chho a, tun season-a league match ruk an khelhah vawi li an chak tawh - vawi khat chiah an la tlawm a, vawi khat draw an nei bawk.

Hyderabad erawh table hnuai lamah an awm chhunzawm. Match ruk aṭanga point li neiin 11-na an ni mek a, Thangboi Singto enkawl team hian tun season-ah vawi khat chiah chak an la nei ve a ni.