Copa Libertadores-ah Brazilian club an champion dawn

Nimin zingh khan Copa Libertadores semifinal hnuhnung zawkah Penarol-in Botafogo 3-1 in hneh mah se first leg-ah Brazilian club hi 5-0 a an chak avangin aggregate-ah 6-1 in an chak ta tho.

South America Champions League final-ah Botafogo hian Atletico Mineiro an hmachhawn dawn a, Brazilian club ve ve an nih avangin Brazilian club bawk an champion dawn tih a chiang nghal.

Inelna hnuhnung pangaah Brazilian club vek an champion a, kum 2019 khan Flamengo an champion a, kum 2020 leh 2021-ah Palmeiras champion zawnin inelna hnuhnung pahnihah Flamengo (2022) leh Fluminense (2023) te an champion a ni.