Musiala-a'n hattrick a siam

Bayern Munich-in DFB Pokal second round-ah Mainz 4-0 in an sawp a, Jamal Musiala-a'n hattrick a siam bakah Leory Sane-a'n goal khat a khung bawk. Bavarians hian November 2, Inrinni zan dar 8:00 hian Bundesliga-ah Union Berlin an mikhual ang.

Mainz an hmachhawn ṭum hian Vincent Kompany-a'n player ṭha a luhtir a, Harry Kane pawh bul ṭantu zingah a tel. Season liam ta khan Bavarians hian nomawi pakhat an chawi lo a, kuminah erawh Kompany hoin nomawi pakhat tal chawi ngei an tum tih a lang.

German Cup-ah club lian RB Leipzig, Bayer Leverkusen leh Eintracht Frankfurt te an chak a, Borussia Dortmund erawh Wolsfburg lakah 1-0 in an tlawm thung.