Inter an chak nuam sa

Nilaini zan Serie A inkhelah champion lai Inter Milan chuan Empoli 3-0 in an sawp. Stadio Carlo Castellani-a inkhelah first half-ah goal a lut lo a, second half-ah Inter tan Davide Frattesi-a'n goal hnih khungin Lautaro Martinez-a'n goal khat a khung bawk.

Inkhel dangah Atalanta-in Monza 2-0 in an hneh a, Juventus erawh Parma nen 2-2 in Turin-ah an inhnehtawk thung. Serie A-ah Napoli-in match 10 aṭangin point 25 an hmu a, Inter hian kheh zat inangah point liin an pha lo.