David Mem Chess C'ship-ah Grandmaster

Mizoram chess inelna ngaihhlut hlawh 12th David Memorial Chess Championship 2024 chu October 30 - November 1, 2024 chhung hian Ramhlun Indoor Stadium, Aizawlah khelh a ni dawn.

Tun ṭum inlenaah hian Sriram Jha pawh a tel dawn a, ani hi Indian chess Grandmaster niin FIDE World Cup 2009-ah pawh a tel tawh a ni.

Inelna hi khawvel puma Chess inthlunzawm pawl lian ber FIDE hriatpui a ni a, player inlante tan FIDE rated player nih theihna remchang a ni. Entry fee hi 300 a ni a, zawhfiah duh nei tan 7005927285-ah a zawhfiah theih.

Entry fee hi October 25, Zirtawpni thleng 'late fee' chawi loin a pek theih a, late fee Rs 100 pe telin October 28, Thawhṭanni zanlai thleng a pek theih thung.

Inelna hi open bakah kum bithliah inelna Under 9, Under 11, Under 13, Under 15, Under 17 leh veteran te a awm dawn. Entry fee pek rual hian AICF ID, FIDE ID, rating, hming leh veng thehluh tur a ni a, AICF registration la ti lo tan Rs 300 chawiin prs.aicf.in/new-register ah inziahluh hmasak tur a ni.