Vawiin aṭangin Shooting Competition

Mizoram Rifle Asso­ciation chuan, vawiin aṭangin R. Dengthuama Sta­dium, Mualpuiah 7th Mizoram State Shooting Championship a buatsaih ṭan dawn.

MSSC Ruby Jubilee puala inelnaa hi August 29
aṭanga Dimapur, Naga­land-a neih tur North East Shooting Championship-a Mizoram aiawha tel tur thlanna a ni nghal ang.

Inelna hi 10m Air Rifle, 10m Air Pistol leh 50m .22 Rifle-ahte ṭhen hran a ni. 10m Air Rifle leh 10m Air Pistol bikah district hrang hrang aṭanga tel turte district competition hmangin thlan an ni a, heng thlan chhuahte hi district hmingin an inel ang.

50m .22 Rifle category-ah hian a duh apiang a tel theih a, tel duhte chu August 3-6 chhung hian registration tiha kah nghal theih a ni.