Sports Psychology lama research tihmasa ber Caca-i

Mizoram University (MZU) hnuaiah Rebecca Vanlalruati (Caca-i), Chhinga Veng chuan Department of Psychology aṭangin PhD a zo a, Mizo zinga Sport psychology lama research ti hmasa ber a ni. Caca-i hian M.A-ah Psychology zir zoin M.Phil aṭangin sport psychology lamah insawr bingin, research anga zir hmasa ber a ni a, Doctorate Degree nei hmasa ber a ni bawk.

Caca-i hian Sports Psychology-ah hnuhma a nei ṭha tawh em em a, Football Academy changtlung tak, Tata Trusts Centre of Excellence, Aizawl, Mizoram-ah kum thum lai thawkin Chhinga Veng Spikers, Chhinga Veng Cricket Club, Sete Boxing Academy leh club hrang hrang bakah a mimal ang pawhin ram aiawha khelte pawh a lo thawhpui tawh ṭhin bawk.

A PhD thesis topic hi 'Impact of Motivational Training on Self-efficacy, Self-regulation and Performance of Mizo Professional Sportsmen' niin sports discipline hrang hrang - karate, judo, weightlifting, football & futsal, volleyball, taekwondo, boxing-a sports club leh academy zirlai (State / District level-a tel chin) aṭangin thesis hi a ziak a ni.

Caca-i hi tunah hian Madras Christian College (MCC), Chennai-ah Assistant Professor-in a thawk mek a ni.