Tuchel-a thawhpui tur Anthony Barry

England coach ber hi ram pawn lam mi ni mah se, a assistant tur hi English mi Anthony Barry a ni - Barry hi Tuchel nen Chelsea leh Bayern Munich-ah an thawk dun tawh a, England-ah pawh a pu a zui zel dawn.

Kum 38 mi coach hian player a nih laiin English division hniam lamah a khel ṭhin a, Everton academy aṭanga inzir chhuak a ni a, Wigan Athletic aṭanga coaching zinkawng zawh ṭanin, ama pualin team enkawl a la nei lo.

International football-ah a mikhual lo a, Republic of Ireland, Belgium leh Portugal national team-ah te assistant coach a lo ni tawh bawk a, Ireland-ah hian Stephen Kenny hnuaiah thawkin, Belgium leh Portugal-ah Roberto Martinez-a assistant a ni bawk.

Tuchel nen thawkdun tawh an nih piahlamah English football hrechiangtu a nihna chu England tana hlu tur a ni dawn a, FA chuan backroom staff dang an lak belh tur thu sawi mah se, coach tam tak erawh lakluh an tum lo thung.