Garnacho a inhnukdawk.

Manchester United forward Alejandro Garnacho chu Argentina squad aṭangin a inhnukdawk - World Cup qualifier khel tura koh ni mah se, a khup hliam vangin an ram aiawhin a inlan thei dawn rih lo a ni.

Kum 20 mi Garnacho hi Pathianni zan khan Man United leh Aston Villa ten Premier League an khelh ṭumin a khel tluan a, mahse an ram team a zawm loh tur thu hi Thawhṭanni zan khan an tichiang.

World champion Argentina coach Lionel Scaloni chuan Garnacho hmun ruakah hian Leicester City player Facundo Buonanotte a ko thung a, buaina an nei lo tura ngaih a ni.

Hliam vanga match hmasa lama an chhawr theih loh, captain Lionel Messi a inkhel thei leh tawh a, Julian Alvarez, Lautaro Martinez leh Paulo Dybala te an la neih bawk avangin tlarhma lam chu an ngaihtuahawm loh hle.

Argentina hian Ocotober 11, Zirtawpni zing lam dar 2:30 hian Venezuela an lenchilh dawn a, chumi hnuah Bolivia an mikhual ve leh thung ang. World Cup qualifying match riat an khelh tawh aṭanga point 18 hmuin hma an hruai mek a ni.