Villa tan Jhon Duran a rinawm

Aston Villa striker Jhon Duran chuan Villa Park-a khelh chhunzawm turin contract thar a ziak a, Unai Emery hnuaia English club hmuhnawm pawl ni mekah hian kum 2030 thleng khel turin rinawmna thu a tiam.

Kum 20 mi forward hian January 2018 khan Major League Soccer club Chicago Fire aṭangin Villa hi a pan a, a man zat hi pound maktaduai 18 niin, kum nga leh a chanve atan contract a ziak.

Duran hi a contract neih sa ang chuan kum 2028 thleng cham tur a ni a, kum hnih dang a pawtsei tihna a ni. Colombian forward hi nipui lai khan chhuak thei dinhmunah a ding a, Chelsea leh West Ham ten an rim.

Mahse, rin loh takin Duran a cham a, tunah chuan contract thar a ziak ta zawk hial. Tun season inelna hrang hrangah match 10 khel tawhin, goal ruk a khung a, Champions League-a 1-0 a Bayern Munich an hneh ṭumin goal awmchhun a khung bawk.

Colombia tan vawi 12 inlana goal khat khungtu Duran hian Villa a zawm hnuah match 59 khelin goal 14 a khung a, season hmasaa a goal khung zat chu goal hnih chauhin a phak lo tawh - season duhawm tak a hmang mek.

Duran hi Emery-a'n October 2022-a Villa a enkawl hnua a player lakluh pahnihna a ni a, Spanish coach hnuaiah vul zel a inbeisei ang.