Mizoram Shooting team an fehchhuak

11th North East Zone Shooting Championship hmachhawn turin Mizoram Rifle Association (MRA) chuan Silai kap thiam mi 28 a tir chhuak a, inelna hi September 25 - October 1, 2024 chhung hian Dimapur Nagaland-ah neih a ni ang.

National Rifle Association of India buatsaih intihsiaknaah hian rifle event pali leh pistol event paruk awmin category 62-ah ṭhen a ni. Mizoram shooter-te hian September 21, Inrinni khan MRA Shooting Gallery leh 3rd Bn MAP Shooting Range-ah final training leh test an nei a, Association hruaituten Mizoram aiawhte hi an fuih nghal bawk.

Mizoram Shooting Team-te hi Chhan Chhan Handloom te'n Team Track Suit an tumsak a ni.