Rogers Cup khel lo tur Serena

Karleha khelh tur Rogers Cup-ah Serena Williams kan hmu dawn lo. World number 1 inlan loh tur chhan hi a dar nat vang a ni.

American star hi a vawi sarih nan Wimble-don champion ni leh mah se a duhthusamin a hrilselna dinhmun a la
ṭha lo a, thla leh maiah Rio Olympic a awm bawk avangin chawlh a duh niin a lang. Serena hi Olympic hmeichhe double champion lai a ni nghe nghe.

Toronto tournament director Euge-nie Lapierre chuan, "Serena a rawn inlan thei lo tur hi pawi kan ti takzet. Kuminah Olympic a awm avangin player-ten chawlh an nei mang lo a, kan hriatthiam a ṭul. A hliam dam thuai se, season duhawm tak a hman chhunzawm theih nan duhsakna kan hlan," tiin Rogers Cup vawi hnih champion tawh chungchang a sawi.

Mipa inelna lamah Andy Murray, Roger Federer leh Rafael Nadal te chuan kar hmasa khan an inlan loh tur thu an lo ti chiang tawh - world number 1 Novak Djokovic erawh a inlan dawng thung.