Cilic leh a coach inṭhen

World number 12 Marin Cilic chuan kum 2013 September thla aṭanga a lo thawh dun pui tawh a coach Goran Ivanisevic nen an inṭhen thu a sawi chhuak.

Kum 27-a upa Cilic hian Wimbledon champion hlui Ivanisevic kaihhruaina hnuaiah 2014 US Open final-ah khan Kei Nishikori hnehin a vawi khat nan Grand Slam-ah a champion a, a hnam puipa nena an thawhdun chhung hian nikum khan US Open-ah hian semifinal a lut leh a, Wimbledon-ah ṭum thum quarterrfinal a khel bawk.

Croatian star Cilic chuan, "Goran nena hun kan hman dun kha ka tan hun hlu bik a ni a, ka tum min hlenchhuah tirtu a ni," tiin a sawi.