Portugal coach contract pawtsei

Euro 2016 champion Portugal chuan an coach Fernando Santos chu kum li dang cham chhunzawm turin a contract an pawt sei a, European Cham-pionship lo awm leh turah an ram team a la enkawl dawn tihna a ni.

Kum 61-a upa San-tos hian 2014 World Cup zawh aṭang khan Portugal hi a enkawl ṭan a, Euro 2016 khel tura inpet tlin puiin champion tura rinkai ni lo mah se final-ah Eder-a goal khat hmangin a thlengtu France an hneh.

Thuchhuah siamin Por--tuguese Football Fe-de-ration (FPF) chuan, "Fernando Santos leh FPF te chuan Euro 2020 thleng atan inremna kan nei," an ti.

Player a nih laiin Santos hi defender langsar ni lo mah se team enkawl lamah erawh a nep lo. Kum 1998-99 season khan Porto chu Primeira Liga title a lak pui a, Taca de Portugal (Por-tugal Cup)-ah ṭum hnih a champion pui bawk. Porto bakah hian Benfica leh Sporting Lisbon bakah Greece a enkawl tawh bawk.