Brazil tan Rodrygo

World champion vawi nga ni tawh Brazil chuan Rodrygo-a goal khat hmangin Ecuador chu 1-0 in an hneh a, World Cup 2026 qualifier khelh laiah point thum hlu tak an hlawh chhuak.

Brazil hian an thiampuipa Neymar an la chhawr rih lo - tlarhma laiah Rodrygo hi dah a ni a, a sir aṭangin Luiz Henrique leh Vinicius Junior ten an thlawp thung a, a laka beiseina an neih ang ngeiin Rodrygo hian minute 30-naah goal awmchhun a khung.

September 11, Nilaini zing dar 6:00-ah Brazil hian Paraguay an lenchilh chhunzawm leh dawn a, October thla hmaa an match hnuhnung a ni leh tawh rih dawn a ni.

South American ram 10 ten World Cup qualifier match sarih ṭheuh an khel tawh - Brazil hian vawi thum hnehna changin point 10 an hmu tawh a, table-ah palina dinhmun an luah mek.

Vawi hnih ṭheuh an inkhel kual dawn, chumi hnua a sang zual paruk chu an tling nghal dawn - pasarihna pawhin World Cup ticket neih theihna kawng an la nei, inter confederation playoff an la khel leh dawn a ni.