Arsenal defender Calafiori a inhliam

Nations League khelh laiah Italy chuan France 3-1 in an hneh a, he inkhelah hian Azzurri defender Riccardo Calafiori chu hliam vanga lak chhuah a ni a, engtiang chena rei nge a chawlh dawn tih erawh hriat a la ni lo.

Zirtawpni zan khan Parc des Princes-a inkhelah France hian Bradley Barcola hmangin second 12-na lekah goal hmahruai an khung, anmahni rama inkhel an nih bawk avangin chak turin an dinhmun pawh a ṭha.

Mahse, manager Luciano Spalletti hnuaia indinthar tum Italy hian chawlhlawk hmain Federico Dimarco hmangin an sut a, inkhel chawhnu lamah Davide Frattesi leh Giacomo Raspadori te chuan an khung belh bawk.

Inkhelah hian Arsenal defender Calafiori hi Ousmane Dembele nen an intipalh a, khelmual chhunga enkawl a nih hnuah inkhelh chhunzawm tum mah se a thei lo, thlak a ngai ta zawk a ni.

Pound maktaduai 42 man Calafiori hian tun kar tawpah Premier League a khelh theih a rinawm loh. Tun season atana Totteham Hotspur nena North London Derdy an khelh hmasak berah a hmel a lan ve thei dawn lo tihna a ni.