Romeo Beckham-a'n inkhelh a chawlhsan

David Beckham-a'n football khawvel nghawrnghing khawpin inkhelh thiam mah se, a fate erawh an ni ve lo - a fapa kum 21 mi Romeo Beckham pawhin inkhelh zui zel aiin fashion lama kal a thlang a, Brentford forward hian inkhelh a chawlhsan der!

Romeo hi Arsenal youth academy-ah inzir ṭhinin, kum 2021 khan Gunners a chhuahsan hnuah a pa club Inter Miami a zawm. Major League Soccer club reserve team tan a khel a, season hnih hun a hmang hman.

Season hmasa nipui lai khan Brentford zawmin, an reserve team tan a khel a, English forward hian a football career-ah beisei a nei sang lutuk lo a ni mai thei, senior team tana a khelh hmain football mangṭha a thlang.

Romeo hi fashion khawvelah a inhmang sa hrim hrim a, Yves Saint Laurent tan model niin, Safe Management hnuaia top fashion agent hnuaiah a awm thlap tawh niin khawthlang media-te chuan an tarlang.