City rawltharin PSV pan dawn

Manchester City rawlthar duhawm Joel Ndala chuan PSV Eindhoven chu season khat chhung loan-a khel turin a zawm dawn a, Dutch club hian a loan hun a hman zawhah a ngheta lei theihna dan an nei tel dawn bawk.

Kum 18 mi winger hi AC Milan pawhin an duh nia sawi a ni a, a tawpah PSV-in an chang dawn ta. Kum 18 mi Ndala hian City tan a la khel phak rih lo a, mahse, amah ber hian senior team tana inlan tura inpeih tawhah a inngai.

Hei vang hian Etihad Stadium-ah kum li contract la nei mah se, PSV pan a thlang zawk. Dutch club hian a ngheta an la zui a nih chuan euro maktaduai sarih an pe phawt ang a, €10mtd thleng a sang thei ang.

Manchester khaw club hian an duh chuan Ndala hi an lei let thei dawn bawk a, an lei let lo a, PSV-in club dangah an hralh leh a nih chuan an hralhna aṭangin share an chang ve dawn bawk.