Chelsea player thar a inhliam nghal

Chelsea’s attacking midfielder thar Omari Kellyman chuan a malpuiah hliam a tuar a, senior team tana a inlan hma hauhin hliam a nei der - he thu buatsaih a nih lai hian a chawlh chen tur chiang taka sawi a la awm lo.

Kum 18 mi attacking midfielder hian nipui transfer-ah Blues hi Aston Villa aṭangin a zawm a, a man hi pound maktaduai 19 lai ni mah se, London club hian nakin hun thlira an lakluh ni zawkin a lang.

Stamford Bridge-a kum ruk cham tura contract ziaktu hian senior team tan la khel lo mah se, Blues Under-21 tan erawh match thum a khel tawh a, kar hmasa khan Blues U21 tan Premier League International Cup-ah inlanin, RB Leipzig lakah 4-2 in an tlawm - goal hnih a khung a, minute 47-naah hnawhchhuah a ni thung.

Kum 2022 khan Derby County academy aṭangin Villa a zawm a, season hmasa tawp lamah khan league match hnih khel vein, Europa Conference League lamah vawi thum inlanin, League Cup-ah match khat a khel ve bawk.