Brazil lamah Jamal Lewis pem dawn

Newcastle United left back Jamal Lewis chuan rin loh takin Brazilian Serie A lam a hawi a, South American club ropui Sao Paulo a zawm dawn - he thuziak i chhiar meuh chuan an inrem fel tawh hial ang.

Kum 26 mi defender hian kum 2020 khan Norwich City aṭangin Magpieshi pound maktaduai 15-in a zawm a, mahse, St. James' Park-ah beisei angin a khel

phak lo.

Magpies kawr nen vawi 36 chiah an inlan a, a inlan hnuhnung ber chu January 2023 daih tawh kha niin, season hmasa kha Championship club Norwich City-ah loan-in hun a hmang.

Northern Ireland manager Michael O'Neill chuan Jamal Lewis-a'n Brazilian club a zawm tur thu hi sawiin, "Brazil-ah medical leh visa chungchang a tifel ang a, kan squad a rawn zawm ang," a ti.

Football international break hman mek niin, Northern Ireland squad-ah Jamal pawh hi koh a ni a, squad a la zawm thei lo. O'Neill chuan, "Sao Paulo-ah ṭha taka khel turin duhsakna kan hlan a ni," tiin a sawi.