Willian-a'n Olympiakos a zawm

Brazilian midfielder Willian chuan free transfer-in Olympiakos a zawm. Season liam ta khan Willian hi Fulham tan a khel a, London club hian contract thar zawrh mah se Brazilian midfielder hian a hnawl ta zawk.

Kum 36 mi Willian hian khawvel hmun hrang hrang aṭangin sawmna a hmu a, Thawhṭanni khan Greek club Olympiakos nen inremna an ziak. Chelsea midfielder hlui Willian hian kum 40 thleng football khelh theih a inbeisei a ni.

Willian hian Fulham tan season hnih khelin match 67 a khelh aṭangin 10 a khung a, London club hi kum 2022 khan Brazilian club Corinthians aṭangin a zawm. Khawvela huapa a larna erawh Chelsea aṭangin a ni a, Stamford Bridge-ah kum 2013-2020 chhung kha khelin nomawi panga Premier League (2), FA Cup, EFL Cup leh Europa League te a chawipui.