Telles-a'n Botafogo a zawm

Brazilian defender Alex Telles chuan Botafogo a zawm a, an ram club tan hian kum hnih leh a chanve daih contract ziakin a contract hi kum 2016 thleng a nung ang.

Telles hian Al Nassr-a a contract neihlai chu a titawp a, Saudi club chhuahsana Brazilian club zawm a thlang ta zawk. Kum 31 mi Telles hian nikum nipui bazar khan Manchester United aṭangin Al Nassr hi pound maktaduai liin a zawm a, season khat hnuah a chhuahsan lehnghal.

Al Nassr-ah hian Man United tana a khelhpui ṭhin Cristiano Ronaldo nen khel dun lehin Arab Club Champions Cup-ah an champion. Saudi club tan hian Telles hian match 38 khelin goal thum khungin assist vawi nga a nei bawk.