HAL Sports Club an chak

I League 3 match hmasa ber chu nimin khan RG Stadium-ah khelh niin, HAL Sports Club chuan 2-1 in RKM Football Academy an hneh.

Bangalore club hian first half-ah captain Tejas S hmangin goal hmahruai an khung a, second half-ah Zangdipou Panmei chuan freekick atangin mawi zetin a khung bawk - goal hmasa pawh hi Zangdipou-a freekick aṭanga kal tho a ni.

I League 3 hi Indian football-a fourth division inelna niin, team 25-in inelna an hmachhawn a, group pangaah, team panga zel awmin ṭhen hran an ni a, group tin hi hmun hrang hrangah khelh a ni.

Group C bik hi RG Stadium-ah khelh niin, group tina a sang berte chu playoff khel turin an tling leh ang a, playoff-ah hian an inkhelh kual hnuin a tiṭha zual pathumte chu I League 2 khel turin an tling ang.