Sihphir Venghlun nge ṭha Ramhlun Athletic?

LZ Juice MPL11-ah vawiin chhun dar 12:00 hian Sihphir Venghlun leh Ramhlun Athletic te an inkhel dawn a; point kua hmu ve ve an nih bakah semifinal khelh beiseina an neih bawk avangin inkhel pawimawh a a ni.

Tun season MPL11-ah Sihphir Venghlunin Ramhlun Athletic hi 3-2 in an hneh tawh a, hei vang hian table-ah pawh a chung zawkah awmin palina an ni mek. Chutihrualin I Day Football-ah erawh Ramhlun Atheltic-in semifinal an lut a, Sihphir Venghlunin group stage an paltlang ve lo.

Group match hnuhnung berah team pahnih hi an inkhel a, Ramhlun Athletic tan draw tawk mah se Sihphir Venghlun hian 2-1 in hma an hruai hman. Flavius Lalruatkima goal ropui pahnih hmangin Ramhlunin semifinal an lut a, inkhelah erawh 3-3 in an inhnehtawk.

Tun ṭum hi vawi thum an intawnna tur a ni a, an intawn hmasak ṭum ang thoin inkhel a la pawimawh zel. An inkhelh hmasak ṭumah goal nga a lut tling ve ve a, tun ṭumah pawh goal a luh tam a rinawm a, inkhel a hmuhnawm tel bawk ang.