Meldonium vanga buaina la reh lo

Infiammite tana dam-dawi hman phal leh phal loh chungchang buai-puitu World Anti-Doping Agency (WADA) chuan 'meldonium' chungchangah thumum an la nei thei lo.

Kumin Janury 1 aṭang khan tun hma zawnga hman phal loh zinga an telh ngai loh meldonium chu khap zingah telh a ni a, a tuartu langsar tak pakhat chu Grand Slam vawi nga champion tawh Maria Sharapova a ni.

He damdawi (mel-donium) hi zirchhianna neih mek a la ni a, a eitu taksa leh thisenah eng chen chiah nge a cham tih hriat theih a la nih loh bakah an beisei aiin a lo cham rei dawn nia sawi a ni bawk.

Hengte avang hian nikum September 30 hnulama endikte zingah thiam loh chantir awm mah se Rio Olympic atan chuan an fihlima ngaih theih tur niin an sawi.

Zirchiannain a tar-lan dan chuan 2015 Euro-pean Games-ah khan infiammite 490 zetin meldonium hi an hmang nia tarlan a ni.

Tun dinhmunah WADA hian thutlukna fel tak an la siam lo a, Russian star Sharapova pawh kum hnih chhung tennis khel thei lo turin an hrem mek.