Gundogan-a'n chhuah a dil

Barcelona midfielder Ilkay Gundogan chuan Catalan club thuneitute hnenah chhuah dilna a thehlut a, an league match hmasa bera Valencia an hneh ṭum pawhin Germany captain hi squad-ah a tel lo.

Catalan club boss thar Hansi Flick chuan Gundogan hi rim taka chhawr a tum hran lo nia sawi a ni a, hei vang hian Manchester City captain hlui hian a khelh tam theihna tur lam pan a duh.

Mahse, Gundogan hi kum 33 mi a nih ve tawh avangin club hraw tak tak tan chuan 'it' a har deuh mai thei - Turkey lam aṭangin Galatasaray chuan Gundogan dinhmun hi an thlithlai reng nia sawi a ni a, Fenerbahce boss Jose Mourinho pawhin Turkey lama thlem luh ngei a tum nia sawi a ni.

Hetihlai hian Saudi Arabia lam hming pawh lam rik a ni a, Nou Camp-a kum khat chiah contract nei tawh player hi an chhawr tam dawn chuan loh avangin, Barca chuan a kawng dal an tum lo nia sawi a ni - he thu buatsaih a nih thleng erawh hi chuan official taka dawrtu an la awm rih lo niin a lang.

Borussia Dortmund aṭanga hming chhertu Gundogan hian season hmasa khan captain a nihna meuh pawh kalsanin City a chhuahsan a, Barca a pan. Xavi enkawlna hnuaiah match 51 khel hmanin, goal nga a khung bakah assist vawi 14 a nei a, Flick-a hnuaiah erawh a tan hmun a awm lo.