Damdawi in aṭangin Gomes a chhuak

Inkhelh laia an nghawk luhai Lille midfielder Angel Gomes chu damdawi in aṭangin a chhuak - kar tawp Ligue 1 inkhelah Gomes hi a nghawk avangin nikhaw hre loin a awm a, khelmual aṭanga zawn chhuah a ni.

Kum 23 mi Gomes hi Reims midfielder Amadou Kone nen inkhel ṭan aṭanga minute 11-na lekah an intipalh a, khelmual leh a sir velah darkar chanve chhung enkawl phawt niin, chumi hnuah damdawi inah an hruai.

Manchester United player hlui Gomes chuan, "Ka dinhmun a ṭha tawh a, tunah chuan dawmdawi in aṭanga chhuakin inah ka awm tawh a, min enkawltu damdawi leh thiam leh ka ṭhiante chungah la lawm.

"Kan intihpalhna ang kha chu football ken tel ve a ni a, tun hma pawhin a lo thleng ve tawh ṭhin. A pawimawh ber chu ka dinhmun a ṭha tawh a, inkhelah khan kan chak tih ka lo hre bawk," tiin Pathianni khan a dinhmun a ṭhat thu social media kaltlangin a sawi.