Nuai riatin BR Studio leh MFA an inrem

Mizoram Football Association leh BR Studio, Chawlhhmunte chuan futsal bikah 2024-25 Season atan thawhhona thuthlung an ziak. BR Studio hian MFA hnuaia futsal inelna zawng zawng 'media leh commercial rights' a nei dawn a, hemi atan hian MFA hnenah Rs 8,00,000 (cheng nuai riat) a pe ang.

RG Stadium-a inremna ziahnaah hian MFA aiawhin president Lalnghinglova Hmar leh BR Studio aiawhin chairman Benjamin Vanlalpeka ten hming an ziah hnan a, MFA honorary secretary Lalrengpuia leh BR Studio production director Lalfelkima ten an hriatpui bawk.

MFA-in kumin hian Division One Season Opening, Veteran Futsal Tournament, MFA Inter Village Futsal Tournament, Division One Mid Season Tournament, MFA Futsal League Season 6, Inter School Futsal Tournament leh Division One Season Ending te buatsaih a tum a, inelna zawng zawng hi R. Dengṭhuama Indoor Stadium, Mualpuiah khelh tura ruahman a ni.

Division One Season Opening chu August 15, Ningani aṭangin KK Futsal Ground-ah khnelh ṭan a ni a, vawiin aṭangin R. Dengṭhuama Indoor Stadum-ah khelh chhunzawm a ni ang.