Inter Branch YMA Chess Tournament

Central YMA chuan August 27-29, 2024 chhung hian LBS Suzuki 5th Inter Branch YMA Chess Tournament 2024 a buatsaih dawn. Vawiin hi entry fee pek tawp ni a ni.

Entry fee hi Rs 500 a ni a, Central YMA Office emaw 9774263515 Gpay emaw hmangin a pek theih. Branch pakhat aṭangin team pakhat a tel theih a, team khatah hian player pali, substitute pahnih leh manager pakhat an awm thei ang.

CYMA Chess hi a vawi ngana tur a ni a, inelna hnuhnung ber chu kum 2019 daih tawh kha niin Khatla an champion. Chutihrualin kum 2021 khan CYMA buaipui thoin Inter Branch YMA Online Chess Championship a ni a, Online hmanga Chess inelnaah hian Rahsi Veng chu pakhatna an ni thung.