Mizoram-in goal 2 hum lo

Nimin tlai khan Mizoram hmeichhe team-in Junior Girl's National Football Championship match hmasa ber an khel a, Pondicherry nen 2-2 in an inhnehtawk.

Cuttack, Odisha hmuna inkhelah hian Mizoramin LC Roliani (43') leh Grace H. Lalrampari (75') te hmangin hma hruai zet mah se, Pondicherry hian minute 76 leh 84-naah goal khungin 2-2 in an inhnehtawk.

Mizoram coach Lalnunsangi chuan, "Referee thutlukna hriatthiam a har ṭhin khawp mai. Kan chak loh chhan hi kan naute tihsual vang ni loin referee vang a ni," tiin SYS-a thawk coach chuan Vanglaini palai a hrilh.

Mizoram striker B. Lalhriattiri leh defender K. Lalruatfeli te chu inhliam vangin an khel tluan thei lo a. July 5-ah Mizoram hian Chandigarh an hmachhawn leh ang.