Quarterfinal-ah USA an lut

United States mipa basketball team chuan Paris Olympic neih laiah quarterfinal an lut - an khingpui South Sudan hi 103-86 a hnehin knockout stage lut turin an inhlangkai a ni.

Ram pahnihte hi Olympic inbuatsaih nan khan an lo intawng tawh a, rin loh tak maiin South Sudan hi an khel ṭha, point 16 ngawta an hniam hnuah US hi an tho chhuak leh hram.

Inelna takah erawh US zia tak tak a chhuak a, player ṭha rual an nih miau avangin buaina an nei tawh lo - point 18 neitu Bam Adebayo a langsar a, ani hian rebound vawi sarih a la bawk.

USA team-ah hian NBA All-Stars ni phak player 12, NBA MVP ni tawh pali leh NBA champion paruk ngawt an tel. Inrinni hian an group match hnuhnung ber atan Puerto Rico an hmachhawn leh dawn - South Sudan hian Serbia an tum leh thung ang.