Ipswich captain Morsy a nghet

Premier League kai thar Ipswich Town captain Sam Morsy chuan a club tan rinawmna thu a tiam nawn a, kum hnih chhung atan contract thar a ziak - kum 2026 thleng chu Ipswich Town-ah hian a khel dawn a ni.

Kum 32 mi defensive midfielder hian kum 2021 khan Middlesbrough aṭangin Ipswich hi a zawm a, match 131-ah goal kua khungin, assist vawi 18 a nei tawh. Kum 32 mi Morsy chuan, "He club-a ka season lina tur ka hmang dawn a, tun hnai kum hnih chhung khan awihawm lo khawpin hma kan sawn a, he hmasawnnaa ka tel ve thei hi ka lawm a ni," a ti.

Ipswich boss Kieran McKenna chuan, "Hruaitu ṭha a nihna hi he club kan hruaina kawngah a pawimawh hle a, kan thiltih zawng zawng hi hruaitu ṭha a nihna hian a thlawp ṭha hle a ni," tiin a captain a fak.