India mipa hockey team chak lo

Indian men’s hockey team chu nimin khan Belgium lakah 2-1 in an chak lo - Paris Olympic Games 2023 neih laia an chak loh vawi khatna a ni a, chak lo mah se quarterfinal an lut chiang tawh tho a ni.

India hian minute 18-naah goal an nei hmasa - Arthur de Sloover tihsual vangin Abhishek chuan goal a khung, mahse Belgium lamin Thibeau Stockbroekx hmanga an sut bakah John-John Dohmen chuan an chakna goal a khung.

Pool B match hmasa pathumah India an che ṭha a, hei vang hian knockout stage an lut fel tawh. An pool match hnuhnung ber atan vawiin tlai dar 4:45 hian Australia an hmachhawn leh dawn a ni.