Fiahna paltlangtu Swiatek

Paris Olympic hmeichhe tennis seeded pakhatna Iga Swiatek chuan fiahna a paltlang - Poland nula hian American Danielle Collins chu 6-1, 2-6, 4-1 a hnehin semifinal a inhlangkai. Collins hi hliam vangina khel tluan thei lo.

Kum 23 mi Swiatek hi clay court-a inkhel thiam a ni a, tun ṭumah hian champion tura rinkai ber pawh a ni. Mahse, Olympic boruak a danglam a, chesual thei reng a ni tih a takin a lang - fiahna erawh a paltlang thung.

World number 1 Swiatek hian a match lehpekah chuan Chinese mi Zheng Qinwen a hmachhawn leh ang, ani hian Germany aiawhtu Angelique Kerber chu set thum an khelh hnuah a lo hneh ve bawk.

Kum 36 mi Angelique Kerber hian Paris Olympic zawh rualin tennis a chawlhsan tur thu a sawi chiang tawh a, a vanglaia Australian Open, Wimbledon leh US Open champion ni thei hi a hun a liam ve ta a ni.