Record siamtu Marchand

Leon Marchand chuan Paris Olympic 2024 mipa tuihleuh 400m individual medley huangah gold medal a la, pakhatna a ni satliah mai lo - infiamna khawmpui lianah hian record thar a siam tel nghal a ni.

France swimmer Marchand hian 5.67 seconds chhungin a hleuh thleng a, tun hmain hetiang anga rei loa hleuh thleng thei hi an la awm ngai lo, a hnungah hian Japan aiawhtu Tomoyuki Matsushita leh United States mi Carson Foster te an thleng.

Kum 22 mi Marchand lakah hian France chuan beiseina an nei sang lawk hle a, inelna neih hma aṭang tawh khan Paris khawpuiah a boruak a lian tawh, an ram miten an beisei ang ngeiin gold medal a hlawh chhuak ta a ni.

Marchand-a hian Bob Bowman kaihhruaina hnuaiah inbuatsaihna a nei, ani hian tun hmain mi ropui Michael Phelps pawh a lo kaihruai tawh a, tuihleuh huangah chuan coach ṭha bik a ni tih a chiang.