United-in Kambwala an hralh

Erik ten Hag-a contract an pawhsei hnuah Manchester United an insiamrem zel a, centre back Willy Kambwala chu Villarreal hnenah an hralh - La Liga club hian euro maktaduai 5.5 an pe phawt ang a, a khelh ṭhat dan a zirin a man hi €11.5mtd thlenga sang chho thei tur a ni.

Hei mai a ni lo. Red Devils hian an duh chuan kum 19 mi defender hi an lei let thei dawn a, an lei let ta lo a, Spanish club hian an hralh leh ta zawk a nih pawhin an hralhna aṭangin share an nei ve leh ang.

Kambwala hi Spain-ah medical nei turin a kal zui a, he thuziak i chhiar meuh cuan Villarreal nen hian an inlalut fel tawh hial mai thei. France youth international hian kum khat dang cham turin Old Trafford-ah contract a la nei a, contract thar zawrh ni mah se, a khelh phakna tur lam pan a thlang niin a lang.

Kambwala hian season hmasa khan United tabn match 10 a khel ve a, player hmabak nei êng tak ni mah se La Liga lamah a kal dawn ta. Premier League-ah Profit and Sustainability Rules hman a nih avangin Red Devils hi an fimkhur tel bawk.