Chelsea midfielder thar Renato Veiga

Premier League club Chelsea-in player lei an la sim hleithei lo - FC Basel midfielder Renato Veiga an la lut. Kum 20 mi player manah hian pound maktaduai 12 sen a ni a, kum sarih chhung atan contract a ziak bawk.

Portugal Under-21 midfielder hian Sporting Lisbon aṭanga a professional career zawh ṭanin, FC Augsburg-ah loan-in a lo khel tawh bawk. Season hman zawh takah khan Basel hi a zawm ve chauh a, match 26 khela goal hnih khungin, assist vawi khat a nei.

Defender ang pawha chhawr theih Veiga hma hian Blues hian player pali an lo la lut tawh a, Tosin Adarabioyo, Kiernan Dewsbury-Hall, Omari Kellyman leh Marc Guiu te niin, fan-te tana lawm avanga han zuanpui tur em chu an la awm lo!

Veiga chuan, "England-a club lian ber pawl, ka tan chuan a lian ber a ni hial ang - chutiang taka club ropui ka zawm thei hi ka lawm hle a, inkhelh a châkawm tawh khawp mai," a ti a, Chelsea fans lawm zawng a sawi thiam hle.