Higuain a chhuak dawn

Gonzalo Higuain-a unau leh a agent ni bawk Nicolas chuan Juventus aṭanga a unaupa chhuah tur thu a sawi chiang a, Argentine striker kalna tur hi la chiang lo mah se Italian club chu a zawm loh tur thu a sawi.

Juve coach thar Andrea Pirlo-a'n team siksawi a tum a, kum 32 mi Higuain hi a player duh zingah a tel lo - a mamawh loh thu a hrilh tawh. Higuain tan club thar zawm ngei ngei a ngai tihna a ni.

Nicola Higuain chuan, "Pirlo ruahman leh thutlukna kan zah, chutihrualin tun hnaia club tana a hnathawh leh goal khung zozai te hun rei lote chhunga theihnghilhsak nghal a ni mai erawh a mak viau.

"France, England, Spain, China leh USA aṭangin sawmna kan dawng, ngun takin a khelhna tur kan ngaihtuah ang. Italy-ah erawh a inkhel zui tawh lo ang," tiin a sawi. Khawthlang media-te chuan US lama kal tur angin thu an thehdarh nasa hle.