Pakistan-in England an hneh let

Pakistan-in England nen T20 series an khelhah mualneitu inhnehtawkpui turin September 1 khan run ngain hnehna an chang. 

Old Trafford-a inkhelah hian an inhnehtawk hle. Ṭhumvawra chak England-in vawm hmasak an thlang. Paksitan-in run 190 an siam a, Mohammad Hafeez-a'n run 86 a siam bakah Haider Ali-a'n run 54 vawk chhuakin wicket li chauh an hloh.

England tan opener Tom Banton-a'n run 41 a siam a, Moeen Ali-a'n run 61 siamin chak turin beiseina an nei. Ball hnih chiah a awm tawh tihin Tom Curran-a'n six run a vua a, ball tawp bera a tih nawn theih chuan an inhnehtawk dawn.

Amaherawhchu Haris Rauf-a'n ṭha zetin a vawm a, Curran-a'n run khat bak a vaw chhuak lo. England leh Pakistan hi match hmasa berah ruahsur avangin an inkhel zo thei lo a, hemi hnu hian vawi khat ve ve chakin 1-1 in an inhnehtawk.