Hriatreng tlak sulhnu hnutchhiah ka duh - Greenwood

3rd September, 2020

Manchester United forward Mason Greenwood chu a vawi khat nan England team-ah koh a ni a, Gareth Southgate-a hote hian Iceland (Sept 5) leh Denmark (Sept 8) ah an hmachhawn dawn.

Kum 18 mi Greenwood hian season ṭha tak a hmang a, Manchester United tan inelna hrang hrangah goal 17 a khung.

United forward Greenwood chuan, "Rawlthar tu pawhin record siam an duh ang. An duh lo a nih chuan thil dik lo a awm a ni mai. Khelmuala inlan a, goal khung a, record siam a, hriatreng tlak sulhnu hnutchhiah ka duh," tiin a sawi.

Greenwood hian goal 17 a khung avangin United legend George Best, Brian Kidd leh Wayne Rooney te record nih rualin teenager nichungin United tan season khata an goal khung zat a inang.

Premier League-a goal khung tam ber Alan Shearer pawhin a record dinglai goal 260 chu Greenwood hian a khum theih a rin thu a lo sawi tawh a ni.