Al Ittihad manager thar Pioli

Saudi Pro League club Al Ittihad chuan manager atan Stefano Pioli an la lut a, Italian manager hi kum thum daih contract an ziahpui. Pioli hian AC Milan chu Serie A-a champion pui tawh a ni.

Pioli an lak hma hian Fulham manager Marco Silva chuan Al Ittihad sawmna a hnawl. Kum 46 mi Silva hi Al Ittihad aiawhte nen inbiakna an nei a, Premier League club enkawl a thlang ta zawk.

Season liam ta khan Fulham hian match 38 aṭangin point 47 an hmu a, Silva kaihhruaihna hnuaiah 13-naah awmin tlak hlauhawmin an awm lo.

Al Ittihad hian Silva hmin thei lo mah se Argentine coach Marcelo Gallardo thlak nan Pioli an chang thei a, Saudi Pro League club tan chanchin lawmawm a ni ang.