Euro 2024 : Tu nge top scorer ni dawn?

European Championship 2024-ah last 16 khelh zawh a ni ta a, ram pariat chauh an dam tawh. Match li khelh tawh aṭangin player paliin goal li an khung tawh. Goal khung zat inang a awm hian assist neih zat chu en hmasak ber tur a ni a, a la inang fo chuan minute khel tlem zawk hnenah lawmman hlan tur a ni.

Netherlands forward Cody Gakpo, Georgia forward Georges Mikautadze, Germany midfielder Jamal Musiala, Germany midfielder Jamal Musiala leh Slovakia forward Ivan Schranz ten goal li ṭheuh an khung tawh. Gakpo leh Mikautadze te hian assist vawi khat ve ve an nei tawh a, Musiala leh Schranz ten assist an nei ve lo.

Liverpool forward Gakpo hian minute 345 khel tawhin Mikautadze aiin minute khatin a khel tlem a, tun dinhmunah top scorer chawimawina dawng thei dinhmunah a ding. Chutihrualin Georgia an tla tawh a, Netherlands erawhin quaterfinal an la khelh dawn avangin khelmuala Gakpo hun hmang zat hi a tam dawn. Gakpo tan top scorer ni tur chuan goal khung belh emaw assist neih a ngai tihna a ni thei ang.

Chutihrualin Gakpo elpui tur hian Jamal Musiala, Jude Bellingham, Harry Kane leh Niklas Fullkrug te pawh an la awm tih hriat a ṭha. Euro 2020 khan Patrik Schick leh Cristiano Ronaldo ten goal nga ve ve an khung a, Portugal captain hi match khata khel tlem zawkin golden boot chawimawina a dawng.