Chanmari FC-in SIX5SIX kut chhuak ha dawn

2nd July, 2024

Mizoram Premier League club Chanmari FC chuan India national team jersey pawh lo siam tawhtu SIX5SIX kut chhuak an ha dawn. MPL11-a Chanmari jersey hak tur hi June 28, Zirtawpni khan Chanmari YMA Hall-ah Home Minister K. Sapdanga'n a tlangzarh.

SIX5SIX hian ISL club Kerala Blasters leh FC Goa bakah Afghanistan national team jersey an siamsak a, an kutchhuak hi IPL-ah Punjab Kings leh Lucknow Super Giants ten an ha bawk. Chanmari FC jersey hi mipui lei theih turin phochhuah a ni dawn a, a man tur zat hi puanzar a la ni lo.

Chanmari FC hian MPL11 champion ngei tumin coach Lalsangzuala Hmar an la lut a, Mizo player ṭha ṭhahnem tak an la lut bawk. Mizoram chhunga football inelna sang ber MPL11 hi July 9, Thawhlehni aṭangin RG Stadium-ah khelh ṭan a ni ang.

MPL11-ah hian team pariat an awm dawn a, chungte chu Aizawl FC, Chanmari FC, Chawnpui FC, Mizoram Police FC, FC Bethlehem, Ramhlun Athletic FC, SYS FC leh Sihphir Venghlun te an ni.