State Shooting Championship 2024 zo

Mizoram Rifle Association buatsaiha neih Mizoram State Shooting Championship 2024 chu nimin khan a kharna neih a ni a, state huapa inelna neih vawi 15-na a ni.

June 26, Nilaini khan inelna hi neih ṭan niin, Mizoram district hrang hrang aṭangin silai kap thiam za chuang zet an fuan khawm a, he inelnaa ti ṭha zual, point hmuh tûr bituk chin kap phate chu North East Zone Shooting Championship-ah Mizoram aiawhin an feh chhuak ang.

Mizoram Rifle Association chuan, tun hnaia neih zawh tak Mizoram Sport Conclave hre rengin, silai kap thiam zingah naupang zawkte an ngai pawimawh a, sub-youth a tel thei tur silai kah thiam pawh an awm nual.

He Championship atan hian Lalṭanpuii te chhungkua chuan, an pa ber, MRA hruaitu ṭhin Benjamin Lalrinawma (Nonoa) hriatreng nan Rs. 1,00,000 an pe a ni.