Mangṭha Modric - kan ti dawn em?

Italy nen an inhnehtawk a, Croatia-in point hnih an nei - pathumna tiṭha pali zinga tel a, round of 16 luh theihna dan la awm mah se, vanneih a ngai tel tawh a, Croatia hian Euro 2024 an thlah a rinawm zawk.

Chuti a nih chuan tun hi Croatia jersey nena Luka Modric kan hmuh hnuhnun ber a ni tawh mai ang em? Sawi theih a ni lo. Modric chuan, "Kumkhuaa inkhelh mai hi ka duh a, mahse, inkhelh ka chawlhsan hun chu a thlen ve ngei a ngai si.

"Ka la inkhel zel ang a, engtia rei nge a nih dawn erawh ka sawi thei lo," a ti - Modric kan la hmu zel dawn a, Croatia jersey nen erawh kan hmu chhunzawm zel ang em, sawi theih a ni ta lo.

Modric hi September-ah kum 39 mi a ni tawh dawn a, tun inelnaah hian Portugal foward Cristiano Ronaldo (39) leh Pepe (41) chu amah aia kum upa an ni.

Italy laka an tlawm chungchang chu sawiin Modric chuan, "Eng nge ka sawi ang? Ka hre lo. Football hi a chang chuan a nunrawng takzet a ni," a ti thlawt a, Croatia tan match 178-a goal 26 khungtu a vai.