Hail his Zlataness! 'Lal' ni turin Zlatan Ibrahimovic an sawm!

Pathianni zan khan Euro 2016 khel tura inbuatsaih Sweden leh Wales an inhmachhawn a, captain Zlatan Ibrahimovic hoa khel Sweden hian Gareth Bale-a te ram hi Emil Forsberg, Mikael Lustig leh John Guidetti-a te goal hmangin 3-0 in an hneh.

Hetihlai hian Manchester United nena sawi zawm hlawh mek Zlatan Ibrahimovic-a'n khelmual pawn lamah chanchin a nei ve reng a, vawiina a kalna tur a puan chian tur thu sawitu striker hian sawmna dangdai a dawng - German fourth division club Rot-Weiss Oberhausen chuan Swedish striker hian an club tan a khelh phawt chuan an khaw 'Lal' ah an siam tur thu an sawi!

Kum 34-a upa striker hian chanchin dangdai tak tak sawi tur a ngah hle - kum 2012 khan Swedish Language Council chuan an ram player chhuanvawr hmingchawi hian 'Zlatanera' tih chu Sweden dictionary-ah an lo telh tawh a, a awmzia chu 'thunun' emaw 'hneh' tihna niin Sweden-ah chuan
ṭawngkam tlanglawn a ni der tawh.

Sawmna dangdai

Regionalliga West (German fourth division) club Rot-Weiss Oberhausen chuan Zlatan chuan an club tan kum hnih chhung khel tura contract a ziak a nih phawt chuan an club innghahna khawpui Oberhausen-ah Lal rorelna kalpui a nih tur thu an sawi a, Zlatan chu Lal ṭhuthlengah a ṭhut tur thu an sawi bawk!

Hei mai hi a la ni lo cheu, Ger­­­man fourth division club chuan an khaw beer siamchhuah 'Konig­Pilsener' chu Zlatan-a hming an chawitir tur thu sawiin 'IbrahimovicPilsener' tiin an thlak ang. Player induhtawk ve tak Zlatan atan hei hi a tawk lo a nih chuan thil dang a la awm cheu.

An khaw swimming pool lar tak kum 20 liam taa an lo khar tawh chu hman theih tura siamṭhat leh a ni ang a, Zlatan-a'n intih thlan daih a duh chang apiangin he swimming pool-ah hian tui chhun khah ṭhin a ni ang!

RWO chuan thuchhuah siamin, "Club sporting director Frank Kontny chuan rei tak chhung ball tauh thei tur, penalty area-a hlauhawm leh striker ṭha tak a zawng tawh a, kan mit fukna chu 'pathian' ti hial pawha an koh
ṭhin Zlatan Ibrahimovic hi a ni. Zlatan hian Paris St. Germain chu hlawhtlinnna tam tak a lo chharpui tawh a, chona thar hmachhawn a duh avangin club sponsor-tute leh sum thawhtute nen ṭang hoin kan club tana khel turin sum tam tham tak nen kan sawm a ni," tiin Zlatan an sawm thu hi an puang.

German club tenau hian Ibra chuan an hnen a pan ngei an beisei thu sawi nghal bawkin, "Rei lo teah thutlukna a siam turah kan ngai a, a thutlukna pawh kan tana lawmna tur a nih ngei kan beisei a ni," an ti.

Lal kawr chu!

'Lalber lukhum la chhuak ula' tih ang deuh khan Rot-Weiss Oberhausen (RWO) chuan Zlatan hian an club tan khelh a thlang a nih chuan a jersey tur pawh an peih diam tawh thu sawiin an club website-ah an pholang. Zlatan-a jersey turah hian a chung berah club innghahna khaw hming Oberhausen tih chhut a ni a, jersey number hi 1 niin a hnuaiah 'King Ibra' tih a inziak!

RWO chuan Zlatan an duh thu an puan hnuah khawvel media hrang hrangin an chanchin an ziah nasat thu an website-ah pholangin chanchinthar reng reng chu a lawmawm zawng vek a nih avangin Zlatan-a jersey tur pawh an lo siam lawk niin an sawi.

President thukhawchang

RWO president Hajo Sommers chuan, "Football lawmna hmun Oberhausen angahte hi chuan hmun danga awm lo leh thleng ngai lo thil tam tak a awm a, Ibra hian a huang zauh zel a duh a nih chuan kan hnenah lokal se a inchhir lo ang," a ti.

Nitin eizawnna kawnga Chauf­feur (car changkang hmanga pas­senger phur kual ṭhin) hnathawktu Sommers chuan Ibra chuan an club tan a khel dawn a nih phawt chuan Airport-a lam a hreh loh thu a sawi bawk!

Sommers hian Manchester United-in Dimitar Berbatov an lei theih nan Red Devils tan hna a lo thawhsak tawh a, tunah chuan Old Trafford lam ngaihven Ibra lo lambun a tum thung.

Zlatan-a lal ram

Kum 2014 World Cup-a Swe­den an tlin loh ṭuma, "Ka tel lo World Cup chu engmah lo mai a ni a, hlutna nei lo a ni" titu Zlatan-a'n German club sawmna hi a pawm a nih chuan 'Lal' a ni dawn tihna a ni a, Zlatan-a lal ram ni thei dinhmuna ding mek Oberhausen hi eng ang chiah nge a nih? tih chu zawhna piang nghal a ni.

Oberhausen hi Emscher luipui kama ding khua niin International Short Film Festival Oberhausen an huaihawt ṭhin chu an khawpui lar chhan pakhat a ni. Kum 1847 khan an khaw hming Oberhausen tih hi pu ṭanin kum 1874-ah khaw puitlingah pawm an ni. Kum 2014 chhiarpuia a lan danin he khawpuiah hian mipui 209,292 an cheng a, an khaw zau zawng hi 77.04 sq km niin Klaus Wehling chu an khaw mayor a ni a, North Rhine-Westphalia State awpna hnuaiah an awm mek.

Infiamna lamah an khaw tet ngaih­tuahin Oberhausen hi an hming­thang hle a, an khuaah hian infiamna hrang hranga club 250 awmin heng zinga a lar bera chhal ngam chu tuna Zlatan sawmtu Rot-Weiss Oberhausen (RWO)-te hi an ni.

RWO bihchianna

Kum 1904-a din ṭan club hian German football-ah an la tawng sang ngai lo a, Germany-a club football inelna sang ber Bundesliga-ah vawi khatmah an la inlan ve lo. Kum 1999 - 2005 chhung khan 2.Bundesliga (second division)-ah inlanin 2004-05 a an relegate hnuah kum 2008 thleng khan third division-ah an inlan.

Kum 2008-a second divi­sion-a an kir leh hnuah kum thum aia tam hun an hmang hman lo a, tlakhniam lam pan zelin tunah chuan Regionalliga West (fourth division)-ah an khel mek. Season hmasa kha pa­ngana nichunga an khar avangin season lo awm turah pawh fourth division-ah bawk hun an hmang leh dawn tihna a ni.

Bundesliga club Hertha BSC tana lo khel tawh ṭhin Andreas Zimmermann chu an manager niin FSV Mainz defender hlui Benjamin Weigelt chu an captain a ni. Weigelt hi kum 2005-a German Football Association-in 2006 World Cup an thlen tur puala player naupang rual chher tur Germany Team 2006-a din zingah a tel a, mah se he squad aṭang hian World Cup khel phak player pali chiah telin Weigelt pawh hian beisei a phak lo chhunzawm.

Pathianni zan khan Euro 2016 khel tura inbuatsaih Sweden leh Wales an inhmachhawn a, captain Zlatan Ibrahimovic hoa khel Sweden hian Gareth Bale-a te ram hi Emil Forsberg, Mikael Lustig leh John Guidetti-a te goal hmangin 3-0 in an hneh.

Hetihlai hian Manchester United nena sawi zawm hlawh mek Zlatan Ibrahimovic-a'n khelmual pawn lamah chanchin a nei ve reng a, vawiina a kalna tur a puan chian tur thu sawitu striker hian sawmna dangdai a dawng - German fourth division club Rot-Weiss Oberhausen chuan Swedish striker hian an club tan a khelh phawt chuan an khaw 'Lal' ah an siam tur thu an sawi!

Kum 34-a upa striker hian chanchin dangdai tak tak sawi tur a ngah hle - kum 2012 khan Swedish Language Council chuan an ram player chhuanvawr hmingchawi hian 'Zlatanera' tih chu Sweden dictionary-ah an lo telh tawh a, a awmzia chu 'thunun' emaw 'hneh' tihna niin Sweden-ah chuan
ṭawngkam tlanglawn a ni der tawh.

Sawmna dangdai

Regionalliga West (German fourth division) club Rot-Weiss Oberhausen chuan Zlatan chuan an club tan kum hnih chhung khel tura contract a ziak a nih phawt chuan an club innghahna khawpui Oberhausen-ah Lal rorelna kalpui a nih tur thu an sawi a, Zlatan chu Lal ṭhuthlengah a ṭhut tur thu an sawi bawk!

Hei mai hi a la ni lo cheu, Ger­­­man fourth division club chuan an khaw beer siamchhuah 'Konig­Pilsener' chu Zlatan-a hming an chawitir tur thu sawiin 'IbrahimovicPilsener' tiin an thlak ang. Player induhtawk ve tak Zlatan atan hei hi a tawk lo a nih chuan thil dang a la awm cheu.

An khaw swimming pool lar tak kum 20 liam taa an lo khar tawh chu hman theih tura siamṭhat leh a ni ang a, Zlatan-a'n intih thlan daih a duh chang apiangin he swimming pool-ah hian tui chhun khah ṭhin a ni ang!

RWO chuan thuchhuah siamin, "Club sporting director Frank Kontny chuan rei tak chhung ball tauh thei tur, penalty area-a hlauhawm leh striker ṭha tak a zawng tawh a, kan mit fukna chu 'pathian' ti hial pawha an koh
ṭhin Zlatan Ibrahimovic hi a ni. Zlatan hian Paris St. Germain chu hlawhtlinnna tam tak a lo chharpui tawh a, chona thar hmachhawn a duh avangin club sponsor-tute leh sum thawhtute nen ṭang hoin kan club tana khel turin sum tam tham tak nen kan sawm a ni," tiin Zlatan an sawm thu hi an puang.

German club tenau hian Ibra chuan an hnen a pan ngei an beisei thu sawi nghal bawkin, "Rei lo teah thutlukna a siam turah kan ngai a, a thutlukna pawh kan tana lawmna tur a nih ngei kan beisei a ni," an ti.

Lal kawr chu!

'Lalber lukhum la chhuak ula' tih ang deuh khan Rot-Weiss Oberhausen (RWO) chuan Zlatan hian an club tan khelh a thlang a nih chuan a jersey tur pawh an peih diam tawh thu sawiin an club website-ah an pholang. Zlatan-a jersey turah hian a chung berah club innghahna khaw hming Oberhausen tih chhut a ni a, jersey number hi 1 niin a hnuaiah 'King Ibra' tih a inziak!

RWO chuan Zlatan an duh thu an puan hnuah khawvel media hrang hrangin an chanchin an ziah nasat thu an website-ah pholangin chanchinthar reng reng chu a lawmawm zawng vek a nih avangin Zlatan-a jersey tur pawh an lo siam lawk niin an sawi.

President thukhawchang

RWO president Hajo Sommers chuan, "Football lawmna hmun Oberhausen angahte hi chuan hmun danga awm lo leh thleng ngai lo thil tam tak a awm a, Ibra hian a huang zauh zel a duh a nih chuan kan hnenah lokal se a inchhir lo ang," a ti.

Nitin eizawnna kawnga Chauf­feur (car changkang hmanga pas­senger phur kual ṭhin) hnathawktu Sommers chuan Ibra chuan an club tan a khel dawn a nih phawt chuan Airport-a lam a hreh loh thu a sawi bawk!

Sommers hian Manchester United-in Dimitar Berbatov an lei theih nan Red Devils tan hna a lo thawhsak tawh a, tunah chuan Old Trafford lam ngaihven Ibra lo lambun a tum thung.

Zlatan-a lal ram

Kum 2014 World Cup-a Swe­den an tlin loh ṭuma, "Ka tel lo World Cup chu engmah lo mai a ni a, hlutna nei lo a ni" titu Zlatan-a'n German club sawmna hi a pawm a nih chuan 'Lal' a ni dawn tihna a ni a, Zlatan-a lal ram ni thei dinhmuna ding mek Oberhausen hi eng ang chiah nge a nih? tih chu zawhna piang nghal a ni.

Oberhausen hi Emscher luipui kama ding khua niin International Short Film Festival Oberhausen an huaihawt ṭhin chu an khawpui lar chhan pakhat a ni. Kum 1847 khan an khaw hming Oberhausen tih hi pu ṭanin kum 1874-ah khaw puitlingah pawm an ni. Kum 2014 chhiarpuia a lan danin he khawpuiah hian mipui 209,292 an cheng a, an khaw zau zawng hi 77.04 sq km niin Klaus Wehling chu an khaw mayor a ni a, North Rhine-Westphalia State awpna hnuaiah an awm mek.

Infiamna lamah an khaw tet ngaih­tuahin Oberhausen hi an hming­thang hle a, an khuaah hian infiamna hrang hranga club 250 awmin heng zinga a lar bera chhal ngam chu tuna Zlatan sawmtu Rot-Weiss Oberhausen (RWO)-te hi an ni.

RWO bihchianna

Kum 1904-a din ṭan club hian German football-ah an la tawng sang ngai lo a, Germany-a club football inelna sang ber Bundesliga-ah vawi khatmah an la inlan ve lo. Kum 1999 - 2005 chhung khan 2.Bundesliga (second division)-ah inlanin 2004-05 a an relegate hnuah kum 2008 thleng khan third division-ah an inlan.

Kum 2008-a second divi­sion-a an kir leh hnuah kum thum aia tam hun an hmang hman lo a, tlakhniam lam pan zelin tunah chuan Regionalliga West (fourth division)-ah an khel mek. Season hmasa kha pa­ngana nichunga an khar avangin season lo awm turah pawh fourth division-ah bawk hun an hmang leh dawn tihna a ni.

Bundesliga club Hertha BSC tana lo khel tawh ṭhin Andreas Zimmermann chu an manager niin FSV Mainz defender hlui Benjamin Weigelt chu an captain a ni. Weigelt hi kum 2005-a German Football Association-in 2006 World Cup an thlen tur puala player naupang rual chher tur Germany Team 2006-a din zingah a tel a, mah se he squad aṭang hian World Cup khel phak player pali chiah telin Weigelt pawh hian beisei a phak lo chhunzawm.