Copa America Chile vs Argentina

Copa America Cente-nario khelh mekah Thawhlehni zing dar 7:30 hian inkhel ngaihven hlawh bik a awm dawn a, champion lai Chile leh champion tum Argentina ten an group match hmasa ber chu Levi’s Stadium-ah an khel ang.

Kum 23 chhung zet major trophy chawi tawh lo Argentina hi champion nomawi duhin an tuihal mek a, hetihlai hian an captain Lionel Messi chu an match hmasa berah hian a inlan thei dawn nge dawn lo a la chiang lo.

Barcelona forward hi a hnung-zâng na vangin friendly match-a Honduras 1-0 a an hneh ṭum pawh-in a inlan lo a, Ballon d'Or chawimawina vawi nga dawng tawh Messi hian amahin training a nei mek.

Argentina coach Gerar-do Martino chuan, "Messi hian kan match hmasa ber a khelh theih kan beisei a, a tel theih dawn leh dawn loh chu hun tlemte awm tawhah a chiang chauh ang. Amah ka hmu tawh a, inkhelh thuai thuai a champion a chak tawh em avangin amahah lungngaihna tur a awm lo e," tiin Argentina tana goal 50 khung tawhtu a player chungchang a sawi.

Group D inkhel dang-ah zing dar 4:30 hian Panama leh Bolivia ten an match hmasa ber an khel bawk ang.