Mizoram pumah Football transfer hun inang

Mizoram chhung foot-ball club-te'n trans-fer hun inang khat an hmang tawh dawn. Kum khatah transfer vawi hnih hawn a ni dawn a - June leh Octo-ber thlaah hawn tur a ni.

MFA leh District FA pariatte chu December 14, 2015 khan transfer leh registration chungchang ngaihtuahin an ṭhukhawm a, 2016-2017 season
aṭangin Mizoram pumah transfer hun inang tlang hman an remti.

District danga player kal chhuak turte chuan District FA hruaitute hnen aṭanga lak tur 'District Transfer Form' hmang lo chuan transfer theih a ni tawh dawn lo a, transfer hi June-ah zawh vek tur a ni. June-a transfer tifel hman lo chuan October-ah chiah transfer an ti thei tawh ang.

Loan system pawh kalphung thara kalpui tur a ni tawh a, club tinin loan-in state chhung player pahnih leh state/ram pawn player pahnih (a pumpuiah player pali) an hawh thei ang. Loan-a player hawhte hi season tawp thleng zela hawh tur a ni ang a, engtik hunah pawh loan-in player hi a hawh theih reng ang.

Mizoram Premier Lea-gue bikah transfer leh registration hun hi June 6, 2016 aṭangin June 30 tlai dar 5:00 thleng hun hawn a ni a; District FA hnuaia registration hi chu DFA lamin an buaipui thung ang.