Quarterfinal-ah Srikanth

Denmark Open khelh kal laiah India tlangval badminton khel thiam Kidambi Srikanth chuan quarterfinal a lut. World number 1 hlui a chak lai hian Lakshya Sen erawh a khingpui hneh loin a zinkawng a tawp thung.

Srikanth-a'n harsatna lian tham a tawk lo, seeded pangana hian minute 33 chhungin Jason Anthony Ho-Shue chu 21-15, 21-14 in a hneh. A match lehpekah chuan Chou Tien Chen a hmachhawn ang, world number 2 hian Nhat Nguyen 21-8, 21-16 in a hneh.

Inkhel dangah Lakshya chu Hans-Kristian Solberg Vittinghus nen minute 55 zet an inkhelh hnuah 21-15, 7-21, 17-21 in a chak lo.

Denmark Open-ah hian PV Sindhu leh Saina Nehwal te chu inlan tum ve mah se coronavirus vangin an inhnukdawk leh hnuhnawh a ni.



Share this Post

Login to comment
No Comments