Punjab-in Bagalore barakhaih

Royal Challengers Bangalore che ṭha lai chu table mawngphaha awm Kings XI Punjab-in Ningani zan khan wicket riatin an hneh. Punjab-in hnehna an chan theih nan captain KL Rahul-a'n thi loin run 61 a siam.

Sharjah Cricket Stadium-ah Virat Kohli hoten bat hmasak an thlang. Captain Kohli-a'n run 48 a siam a, Bangalore-in over 20-ah run 171/6 an siam. Punjab tan target awlsam ni lo mah se KL Rahul a che ṭha a, thi loin ball 49-ah run 61 a siam.

Chutihrualin inkhel boruak erawh a tawp thlengin a sang. Ball thum chiah a awm tihin Kings XI tan chak nan run khat siam a ngai a, Yuzvendra Chahal ball vawm KL Rahul-a'n a vaw fuh lo. Ball hnihah run khat siam a, KL Rahul-a'n vaw ṭha lo mah se an tlan lui avangin run 53 siamtu Chris Gayle a thi.

Ball tawp berah Punjab-in run khat an siam lo a nih chuan Super Over khelh tur a ni a, Nicholas Pooran-a'n six run vaw chhuakin Kings XI-in over 20-ah run 177/2 an siam a, hnehna an chang. 

Zanin dar 7:30-ah Delhi Capitals leh Chennai Super Kings an inkhel ang a. Pathianni tlai dar 3:30-ah Sunrisers Hyderabad leh Kolkata Knight Riders an intum ang a, zan dar 7:30-ah Kings XI Punjab leh Mumbai Indians an inkhel leh ang.



Share this Post

Login to comment
No Comments